Crearase un Comité Avaliador Experto, formado por empresas membras do Comité de Dirección e que non presenten candidatura na categoría na que participen como avaliador. Este Comité ten o obxectivo de filtrar os traballos presentados nas 6 categorías con finalistas. En cada unha delas deixará como mínimo 7 proxectos, que serán os que se lles presentarán ao xurado, que será externo ao Comité de Dirección do Clúster e formado por especialistas e expertos para cada unha das categorías.

Os membros do xurado daranse a coñecer no acto da gala de entrega dos galardóns e logo publicaranse nesta web.

Unha vez que se realice a votación do xurado, farase pública unha lista con tres finalistas por categoría, sendo segredo o gañador de cada unha hasta o momento da Gala de entrega dos Premios. No caso de que non se puidera determinar o gañador ou os finalistas nunha categoría, debido á obtención da mesma puntuación entre dous ou máis candidaturas, o Comité Evaluador Experto contará co voto de calidade.

O xurado resérvase o dereito de declarar deserto un ou varios premios no caso de non recibir ningunha candidatura ou se as presentadas non teñen a calidade suficiente como para ser premiadas.