TEIMAS avanza no seu plan de expansión coa apertura dunha nova oficina no centro de Europa. A tecnolóxica española, especializada en software para a cadea de valor do residuo, acaba de abrir unha delegación en Bruxelas (Bélxica) coa que busca impulsar o desenvolvemento a súa actividade na Unión Europea.

Peter Bogman, novo perfil internacional, situarase á fronte da devandita delegación como Account Executive. En palabras de Miguel Varela, CEO de TEIMAS, “esta nova incorporación e a apertura dunha oficina en Bruxelas permitiranos apoiar a crecente demanda de solucións tecnolóxicas como Zero, plataforma SaaS para xestión de residuos e economía circular en grandes corporacións”.

Esta novidade prodúcese nun momento de gran crecemento para a empresa: en 2022 duplicou o seu persoal e xa conta con máis de 30 multinacionais entre os seus principais clientes. "A apertura dunha oficina en Bruxelas representa a nosa determinación para ser un partner líder, a nivel internacional, de empresas que apostan pola transformación dixital e o compromiso co medio ambiente”, comenta M. Varela. “Estamos entusiasmados por este novo capítulo na historia de TEIMAS e polas oportunidades que se presentan.”

Sobre Teimas

Fundada en 2008, TEIMAS busca axudar ás empresas no seu avance cara a modelos de negocio máis sostibles, capaces de desvincular o crecemento económico do consumo de recursos, reducir o impacto ambiental das actividades industriais e asegurar unha sociedade máis próspera. Hoxe en día xa é referencia en dixitalizar a cadea de valor do residuo: 900 instalacións xestoras de residuos e máis de 20.000 puntos de produción de residuos traballan coas súas solucións software.