O luns 5 de setembro dan comezo as Xornadas da Sociedade de Enxeñería de Software e Tecnoloxías de Desenvolvemento de Software (SISTEDES) en Santiago de Compostela. Plexus Tech participa activamente como patrocinador do evento.

SISTEDES 2022 é unha oportunidade única para compartir impresións sobre a actualidade do sector do desenvolvemento e os desafíos por vir. Ademais de ser patrocinadores, Plexus Tech conta cun espazo privilexiado para poder charlar e debater dos temas máis relevantes da actualidade do sector cos asistentes.

O evento constará de diferentes xornadas como as de Enxeñería do Software e Bases de Datos (JISBD), de Ciencia e Enxeñería de Servizos (JCIS) e as XXI Xornadas de Programación e Linguaxes (PROLE).

SISTEDES 2022 é un evento organizado polo grupo COGRADE do Centro Singular de Investigación en Tecnoloxías Intelixentes da Universidade de Santiago de Compostela, e terá lugar no Hotel Porta do Camiño da capital galega do 5 ao 7 de setembro.