O Clúster TIC Galicia participou o pasado venres, 7 de febreiro, na xornada demostrativa "Ferramentas de IA para a Mellora Operativa das Empresas do Sector Téxtil", organizada en colaboración con Cointega na súa sede, sita no edificio dotacional do PTL Valladares de Vigo. Neste encontro, diferentes empresas socias presentaron a firmas do sector téxtil os seguintes casos de uso para o desenvolvemento dunha plataforma con diferentes ferramentas de IA:

• Creación de variantes de cor sobre modelos existentes utilizando modelos da paleta e foto shooting (Cinfo  e Tesla Technologies & Software).
• Asistentes virtuais: chatbots e asistentes de compra para a atención ao cliente 24/7 (Enxenio, Possible e Altia).
• Publicidade dirixida: algoritmos de IA para segmentar audiencias e personalizar campañas (Enxenio e Cinfo).

No encontro tamén se expuxeron posibles liñas de financiamento ou colaboración e houbo tempo para un almorzo de networking. O obxectivo desta convocatoria é promover a innovación e a transformación dixital no ámbito téxtil galego en áreas clave nas que a intelixencia artificial pode ter un impacto significativo nas operacións e estratexias de mercado.