O prazo para presentar proxectos para as axudas do Fondo Tecnolóxico 2013-2014 conclúe aproximadamente o 15 de setembro, tendo en conta o marco temporal esixido aos proxectos e o proceso de avaliación ao que serán sometidos. Isto significa, na práctica, que as empresas e entidades están ante a última ventá de oportunidade para optar a esta fonte de financiamento.

Trátase de subvencións equivalentes de ata o 30%, con financiamento de ata o 85% do proxecto a un tipo equivalente ao Euríbor máis 0’1%.
As principais características e requisitos que deben cumprir os proxectos para optar a estas liñas de financiamento xestionadas polo CDTI son as seguintes:

•  Proxectos empresariais de I+D en cooperación, preferentemente individuais.
•  Presuposto superior a 175.000 euros.
•  Duración do proxecto de 12 a 15 meses.
•  Proxectos non iniciados pero que comecen antes de 2014.

Recórdase aos socios que, debido á limitación temporal destas liñas, deberíase cursar a solicitude no menor tempo posible para poder cumplir todos os requisitos.
O Clúster TIC Galicia mantense en permanente contacto co CDTI, polo que se ofrece como interlocutor na presentación das posibles propostas ante este organismo.