O Comité Estratéxico (COES) celebrado o pasado 3 de marzo deu a benvida a José Manuel Otero na súa incorporación a este órgano en representación de Disa Consulting, firma de que é director xeral.

Cunha facturación de máis de 280 millóns de euros en 2010, Disa Consulting adícase á instalación e distribución de terminais punto de venta (TPV) para recarga electrónica de telefonía fixa e móbil, así como á prestación de servizos de transaccións para empresas, venda de tráfico de telefonía, conexión inalámbrica a Internet a través de redes WLAN e tarxetas internacionais de pago. A compañía ten a súa sede corporativa en Betanzos, e conta con oficinas comerciais en Madrid e Tenerife, e cunha filial na República Dominicana. A súa plantilla está composta por un centenar de traballadores.