O Clúster TIC Galicia amplía as súas capacidades coa incorporación de novo persoal. A nova estructura está formada por Rosa Méndez na Xerencia; Adela Amado na Administración; Roberto Pérez en I+D+i; Óscar Santos en Proxectos e Mª Xosé Jamardo en Comunicación e Marketing. 

A primeira tarefa a realizar pola nova estructura, será a de coñecer polo miúdo as empresas socias, polo que os esforzos centraranse na realización de reunións con todas para recoller información de primeira man das empresas, dos seus produtos e servizos, das súas necesidades e das súas demandas. Unha información que será fundamental para:

• Elaborar accións e proxectos de interese para as empresas socias
• Potenciar o coñecemento e a colaboración entre empresas
• Ampliar os servizos do Clúster para socios
• Elaborar o catálogo de competencias TIC en Galicia
• Elaborar a axenda de internacionalización