Segun información remitida ao Cluster  pola Secretaría Xeral de Modernización e Innovación Tecnolóxica (SXMIT), as convocatorias para investimentos de empresas no ano 2011 (PR519A, PR520A e PR522A) están baixo o réxime de minimis, e non existe incompatibilidade coas axudas recibidas para investimentos de empresas no ano 2010 (PR519A e PR520A), xa que estas axudas iban baixo outro réxime, neste caso baixo o marco temporal comunitario contra a crise.

A SXMIT remitiu esta aclaración ao Cluster como resposta ante as numerosas consultas recibidas sobre o asunto.

A SXMIT engade que as axudas suxeitas ao Regulamento (CE) 1998/2006 relativo ás axudas de minimis (DOUE do 28 de decembro de 2006, L379) non poden acumular no beneficiario máis de 200.000 euros nun período de 3 anos fiscais: o actual 2011, e os dous anteriores 2010 e 2009. A acumulación refírese á axuda total concedida en dito período baixo de minimis independentemente da forma da axuda (fondo perdido, crédito reembolsable, plurianualidade ou varios prazos, garantías, etc).

O marco temporal comunitario permitía no 2010 axudas de ata 500.000 €, pero a súa vez excluía da dita cantidade as que a empresa xa tivera baixo de minimis. Como exemplo: se a empresa tiña 150.000 € por de minimis só podía obter ata 350.000 € polo marco temporal.

Para saber máis, pódese consultar a normativa comunitaria nos seguintes enlaces:

http://eur-lex.europa.eu/LexUriServ/LexUriServ.do?uri=OJ:L:2006:379:0005:0010:es:PDF

http://www.micinn.es/stfls/MICINN/Ministerio/FICHEROS/Legislacion/Ayudas%20en%20contexto%20crisis.PDF

http://ec.europa.eu/eu_law/state_aids/comp-2009/n307-09.pdf