Antonio Agrasar Cascallar, CEO de Plexus Tech, foi nomeado este pasado 21 de novembro novo membro do Consello de Administración da Asociación para o Progreso da Dirección (APD) Zona Noroeste, presidido por Francisco Botas, Conselleiro Delegado de ABANCA.

A cúpula de APD Zona Noroeste reúne aos 25 principais directivos das empresas máis relevantes dentro do sector servizos en Galicia e, xunto a Antonio Agrasar, uníronse recentemente ao consello sete integrantes máis de empresas referentes a nivel autonómico como Inditex, Luckia ou Adolfo Domínguez.

A Asociación para o Progreso da Dirección reúne xa a 3700 organizacións asociadas de 3 continentes diferentes, e ten como obxectivo potenciar a innovación e o coñecemento compartido converténdose na rede global de directivos de referencia.