Marzo está marcado para Plexus Tech pola procura de novo talento para a empresa. Ao longo do mes, a firma participa en ata tres feiras de emprego. A pasada semana estivo presente en dúas delas, unha na Coruña e a outra en Palma de Mallorca, mentres que a terceira terá lugar a próxima semana en Oleiros.

Desta forma, a compañía achega o mundo laboral de Plexus Tech e a filosofía da “Tecnoloxía con Alma” a futuros tecnólogos.

O primeiro dos encontros tivo lugar o pasado martes 14 de marzo, no Campus da IFFE Business School. Plexus Tech estivo presente na duodécima edición da Feira de Emprego e Talento cunha caseta propia nas instalacións do centro, situado no municipio coruñés de Oleiros. Begoña Iglesias, da área de Talento, encargouse de presentar aos alumnos o modelo Flexology, e as oportunidades laborais e os perfís máis demandados para os equipos de Plexus Tech.

Ao día seguinte, o mércores 15 de marzo, en Palma, Plexus Tech participou activamente na segunda xornada do Job Day UIB da Universitat de lles Illes Balears. Miriam e Alejandro, da nosa oficina da capital da illa, achegaron ao alumnado do centro as oportunidades actuais e de futuro dentro da compañía. O obxectivo foi enfocar a súa carreira profesional aos perfís máis demandados.

Por último, a finais de mes, Plexus Tech participará activamente tamén no encontro Young Talent. Esta feira de emprego, organizada por EF Business School e a Fundación Venancio Salcines, terá lugar o 29 e 30 de marzo, no Campus de Talento do centro, situado tamén en Oleiros.

Con estas tres citas, Plexus Tech enfoca o obxectivo da captación de novo talento que se some aos equipos. Nesta liña, as demandas da compañía, en constante crecemento, deixan clara a necesidade de conseguir máis e novos perfís tecnolóxicos.

Por iso, estes eventos de captación de talento supoñen unha oportunidade moi grande para os mozos. Achégase así Plexus Tech ao futuro da tecnoloxía.