PlexoCast é un produto deseñado pola compañía tecnolóxica Plexus Tech que permite mellorar a experiencia de usuario do cliente no sector hospitality, permitíndolle visualizar na pantalla da súa habitación os contidos do seu dispositivo de maneira sinxela e segura.

A súa utilización é moi fácil e intuitiva. Simplemente o usuario debe conectarse á rede wifi do hotel e capturar o código QR que se mostra na pantalla da súa habitación. Esta solución de casting permitiralle reproducir o contido multimedias das súas aplicacións favoritas (Netflix, Movistar, HBO…) directamente na TV. Pola súa banda, o hotel pode personalizar as instrucións coa súa imaxe corporativa, compartir o contido desexado co usuario e darlle un check in personalizado cunha benvida no seu propio idioma.

Actualmente PlexoCast está dispoñible no Oracle Cloud Market Place, isto implica que pode realizar integracións de modo nativo e certificadas cos clientes que usan Opera Cloud expandindo así as capacidades de Opera Cloud e prestando servizos de valor engadido nas habitacións nunha contorna completamente integrada e personalizado para unha experiencia de cliente completamente inmersiva.

Os produtos especializados en Hospitality de Plexus Tech potencian a conexión co cliente e garanten unha estancia máis cómoda, segura e personalizada nos hoteis de medio mundo: máis de 80 hoteis en todo o mundo confían xa nestas solucións que transforman a experiencia do cliente.

Acerca de Plexus Tech

Compañía tecnolóxica con máis de 20 anos de traxectoria traballando para gran parte das compañías do IBEX35, os principais retailers do país, e con gran especialización no sector banca, turismo, servizos sociais, sendo líder a nivel nacional no sector de saúde tanto na administración pública como privada. Conta cun total de 24 sedes con gran capilaridade en todo o territorio español, con presenza internacional en UK, Alemaña, Portugal, México e coa mirada posta en USA, onde recentemente acaba de abrir oficina en Miami. Plexus Tech ten entre os seus obxectivos a creación de células de hiperespecialización nas últimas tecnoloxías para todas as áreas transversais como ciberseguridade, dixital, customer centric, arquitectura e data, cloud, ecommerce, etc.