O Clúster TIC Galicia vén de adxudicar a Sixtema o deseño dunha plataforma web que integre diferentes funcionalidades para prestar servizos aos socios do propio Clúster TIC Galicia. Isto inclúe a creación de wireframes ou prototipos interactivos e a descrición dos procesos fundamentais  que soporten de maneira precisa e completa as funcionalidades requiridas, entre outros  aspectos. En concreto, as funcionalidades a deseñar son:

• Xanela única. Plataforma que xestione as demandas do mercado desde a entrada da mesma ata presentación de propostas de ofertas de empresas rexistradas no Mapa TIC.
• Módulo de facturación integrado coa base de datos de socios e contactos do Clúster TIC Galicia. 
• Espazo para xestionar ofertas e demandas de emprego de empresas asociadas. 
• Sistema interno para a xestión organizativa e documental de Grupos de Traballo. 
• Renovación do espazo MapaTIC.
• Sistema de creación de formularios e enquisas.
• Mecanismo de integración das funcionalidades coa actual web do Clúster TIC Galicia.

As empresas concursantes cuxas propostas non resultaron escollidas na contratación teñen ata o 17 de xuño de 2024, incluído, para presentar calquera tipo de alegación. Consulta aquí a acta da mesa de valoración do concurso.