O xoves 31 de marzo, ás 11h, terá lugar no Edificio CEM da Cidade da Cultura (Santiago de Compostela) a xornada de presentación de resultados do proxecto de análise e estudo de Plataformas de Internet das Cousas (IoT) coordinado polo Cluster TIC Galicia xunto ás empresas socias Itelsis, Plexus e R. Este proxecto foi financiado no marco da convocatoria do Programa de Axudas a Agrupacións Empresariais Innovadoras (AEI), do Ministerio de Industria, Enerxía e Turismo (MINETUR).

O obxectivo principal deste proxecto foi a análise e posterior estudo dunha serie de Plataformas IoT, tanto baseadas en software libre coma privativas, para acadar unha serie de pautas e recomendacións para aplicar ditas plataformas aos produtos e servizos das empresas do sector TIC galego.

Deste modo, durante a presentación exporase:

• Unha breve introdución ao proxecto, detallando os seus obxectivos e as actividades levadas a cabo

• Exposición dos resultados da análise e estudo das principais plataformas de IoT seleccionadas, incluíndo ademais unha visión sobre compoñentes tecnolóxicos específicos das mesmas

• Principais escenarios de uso, tendo en conta o nivel de investimento necesario para a implantación das plataformas

PROXECTO COFINANCIADO

None