O Cluster TIC Galicia, por medio do seu xerente, David Trigo, participou nunha xornada de networking organizada por AT Clusters que se celebrou o martes 15 de marzo en Xixón.

Na xuntanza, animada polo obxectivo de internacionalizar a cooperación para aumentar a competitividade das empresas das rexións do Arco Atlántico, déronse cita clusters de España, Portugal e Francia dos ámbitos das tecnoloxías da información e das comunicacións (TIC), da enerxía, do turismo e das industrias agroalimentarias.

Entre os temas que se debateron estiveron as actividades transnacionais dos clusters e a evolución das políticas de fomento das agrupacións empresariais.

O Cluster TIC Galicia forma parte de AT Clusters, entidade que  traballa na identificación de boas prácticas, na análise das condicións políticas que favorecen os agrupamentos empresariais, na exploración de vías de cooperación entre eles e, en definitiva, na promoción da creación e desenvolvemento de clusters e meta-clusters nos países europeos da área atlántica. Esta rede cooperativa está liderada polo Instituto Galego de Promoción Económica (IGAPE), en colaboración coa Sociedade para o Desenvolvemento Rexional de Cantabria (Sodercan), a South West Rexional Authority de Cork (Irlanda), o Instituto de Desenvolvemento do Principado de Asturias (Idepa), a Agência de Desenvolvemento Rexional do Vale do Ave (Portugal) e a sociedade Bretagne-Innovation (Francia).

None