O Cluster TIC Galicia participará na Mostra do Ensino Galicia 2012, que terá lugar en A Coruña do 11 ao 14 de abrli no recinto feiral ExpoCoruña, e coordinará aos socios que teñan interese en dispor dun espazo expositivo neste evento, compartindo un stand.
Organizada pola Consellería de Cultura, Educación e Ordenación Universitaria, o obxectivo da Mostra do Ensino é presentar á comunidade educativa e á sociedade en xeral os cambios que se están a promover no sistema educativo de Galicia. Para iso, contará con zonas de exposición dedicadas á práctica totalidade das disciplinas académicas e sectores de actividade, inclulindo os relacionados coas tecnoloxías da información e das comunicacións. Haberá ademais cun obradoiro de emprendimento.
En paralelo á actividade feiral, desenvolverase un congreso baixo o título Formación e competencias na nova sociedade, dirixido ao profesorado e aos profesionais do ámbito da empresa. Nel se abordarán, a través de conferencias e mesas redondas, os novos retos e as innovacións que, en diversas áreas da educación e da formación, se demandan nun mundo globalizado. Os eixos en torno aos cales se artella o programa do congreso son: Formación Profesional; Tecnoloxías da Información e da Comunicación; Idiomas e Diversidade e Familia. Os socios interesados en compartir un stand na Mostra do Ensino Galicia 2012 deben poñerse en contacto coa administración do Cluster a través do correo electrónico ou no teléfono 981 569 893.
Comentarios