O pasado venres 6 de marzo, o Clúster e varias empresas socias participaron, xunto cos principais clústeres industriais (Automoción, Naval, Madeira e Granito entre outros) na mesa de traballo empresarial organizada polo IGAPE, centrada na definición de “Fábrica Intelixente” e dentro do marco da Axenda da Competitividade – Industrial Galicia: Industria 4.0.
Agora o Clúster TIC Galicia informa e busca a implicación de todas as entidades socias para que acheguen as súas aportacións.
 
A Axenda é un documento estratéxico que recolle actuacións para mellorar a competitividade da industria galega a través de 5 Programas de Impulso, 26 obxectivos estratéxicos e 60 medidas concretas. Entre os programas atópanse:
 

• Factores territoriais de competitividade
• Persoas - organizacións
• Capitalización e crecemento
• Innovación
• Mercados – internacionalización

 
As TIC son factor clave para esta transformación, polo que o documento coas medidas que desde o sector consideramos imprescindibles, é importante para a consecución áxil e efectiva dos obxectivos que se propón a Axenda.