No marco dos xogos paralímpicos de Londres 2012, entre o 29 e 31 de agosto desenvolvéronse no parque olímpico e a TechCity de Londres os StartUp Games, as olimpíadas de empresas tecnolóxicas europeas que o goberno británico organiza para atraer a Londres a empresas tecnolóxicas con alto potencial de crecemento de todo o mundo. Finalmente Intellixente, a solución de 2Mares para servizos de atención ao cliente escalables en social media, resultou elixida entre os gañadores do concurso.

Tras un proceso inicial de selección ao que se presentaron máis de 500 empresas de 20 países, seleccionouse un conxunto de 120 empresas que competiron durante tres días mostrando os seus produtos e tecnoloxía. A avaliación levouse a cabo por personalidades da escena tecnolóxica londinese como o director de adquisicións de Google, investidores de JPMorgan ou Bloomberg Ventures e investidores e coaches seleccionados por UK Trade & Investment ´ s (UKTI ´ s), Tech City Investment Organisation (TCIO) e a organización StartUp Britain.


Máis información, fotos e un vídeo na web de 2Mares.