Plexus Tech participou o pasado martes 9 de xullo no acto inaugural do proxecto Smartz4Milk -Cadea de valor láctea intelixente, trazable, sostible e conectada-. A compañía tecnolóxica, como socia do consorcio deste programa tractor da economía galega, foi unha das protagonistas desta presentación oficial, que tivo lugar na Cidade da Cultura de Santiago de Compostela.
Da man de Ramón Bueno, director de Delivery, Plexus Tech puido compartir cos demais socios a innovación e o talento que están a achegar a este proxecto que, como destacou Alfonso Rueda, presidente da Xunta de Galicia, moderniza e mellora a sustentabilidade da industria láctea a través de solucións tecnolóxicas avanzadas que lideramos desde Galicia.
“Afrontamos un gran reto tecnolóxico. Desde Plexus Tech estamos a desenvolver a plataforma PITSA que ofrece unha rastrexabilidade completa para todo o sector lácteo, integrando datos de diferentes orixes e achegando valor a todos os involucrados”, sinalou Ramón Bueno.
A participación do director de Delivery de Plexus Tech enmarcouse nunha das mesas redondas que formaron parte do programa desta interesante xornada. Esta centrouse na rastrexabilidade dos datos e nela participaron os socios tecnolóxicos de Smartz4Milk. Moderada por Hugo Criado, CEO e Founder de Medrar Smart Solution, nela Ramón Bueno puido compartir as principais claves do proxecto, desde o punto de vista tech, xunto a Iñaki Prego, de Sixtema, e Eva Cagide, do Grupo AMSlab.
Así mesmo, tras a sesión pública, os membros do consorcio celebraron unha reunión de traballo co Comité Consultivo de Smartz4milk para analizar as actuacións xa realizadas, discutir os próximos pasos e as estratexias de implementación, un workshop que liderou Sonia Castro Pazos, Product Owner e xestora de Proxectos en Plexus Tech, explicando o funcionamento da plataforma PITSA.
Proxecto Smartz4Milk
Smartz4Milk busca incrementar a competitividade, sustentabilidade e resiliencia do sector lácteo galego, impulsado pola colaboración de 11 empresas, das cales 7 son lácteas e 4 tecnolóxicas.
Este proxecto conta cun investimento total de 16,8 millóns de euros e unha axuda concedida de 9,7 millóns de euros, financiada polo Ministerio de Industria e Turismo (MINTUR) e a Unión Europea a través dos fondos Next Generation EU.
Comentarios