O Clúster TIC Galicia e Igape organizan unha xornada informativa para dar a coñecer o estado actual das xestións ao redor dos fondos Next Generation e as previsións de accións futuras á espera de que se estableza o marco regulador de distribución dos mesmos.

O webinar terá lugar o martes 18 de maio ás 12:30h e participarán por parte do Igape, D. Fernando Guldrís, Director Xeral, e Santiago Álvarez, Subdirector de Proxectos Tractores. Os interesados en participar teñen que comunicalo a través do seguinte enderezo electrónico e enviaráselles o enlace de acceso á xuntanza: info@clusterticgalicia.com.