TEIMAS Global, empresa tecnolóxica especializada en solucións software para xestores e produtores de residuos, acaba de lanzar unha nova versión de ZERO, plataforma dixital para a xestión de residuos en grandes corporacións.
Zero, o proxecto de Teimas para grandes produtores de residuos
Nos últimos anos o modelo de economía circular converteuse nunha prioridade nas políticas da UE, plasmado nun extenso marco regulatorio ambiental que afecta á rastrexabilidade dos residuos industriais e reflíctese na procura de modelos de produción máis sostibles.
Neste contexto cobran importancia novas tecnoloxías como Zero, plataforma en liña de TEIMAS que facilita a xestión intelixente de residuos en grandes corporacións. O desenvolvemento desta ferramenta lanzada en 2019 foi un paso lóxico dentro da traxectoria de Teimas, tras 10 anos de experiencia na creación de software para a xestión documental de residuos.
A través de cadros de mando permite visualizar índices de negocio, coa posibilidade de promover un modelo produtivo baseado na economía circular, incorporar os principios do movemento Zero WASTE na operativa e contribuír ao cumprimento dos Obxectivos de Desenvolvemento Sostible na xestión dos residuos xerados polas empresas durante o desenvolvemento da súa actividade.
Desde 2019 Zero implantouse en varias multinacionais en España en réxime de alugueiro de servizo (Software as a Service ou SaaS), unha tecnoloxía que non esixe labores de mantemento, aloxamento nin xestión da seguridade.
Medindo a pegada de carbono xerada durante o tratamento e transporte de residuos
Zero conta agora cunha nova funcionalidade para a medición da pegada de carbono xerada durante o tratamento e transporte de residuos. O resultado deste cálculo obtense mediante unha ampla gama de datos: tipo de residuo, tipo de tratamento, cantidade de residuos en kg -no primeiro caso (tratamento)- e distancia percorrida, cantidade de residuos (kg) e do tipo de vehículo empregado - no segundo caso (transporte)-. O usuario pode analizar a evolución da pegada de carbono a través de informes e cadros de mando que poderá aplicar ao desenvolvemento de estratexias de sustentabilidade ambiental.
Rastrexabilidade e certificación na xestión de residuos con blockchain
Desde que saen do centro onde se producen e ata o seu tratamento, os residuos industriais pasan por diferentes etapas e intermediarios. Mediante Verify, un plataforma baseada en tecnoloxía blockchain, Zero permite agora a rastrexabilidade e certificación no movemento dos residuos desde as instalacións da empresa produtora do residuos, ata o seu tratamento final.
Maior seguimento dos custos asociados á xestión de residuos
Por último, Zero incorpora agora unha funcionalidade que facilita a xestión económica de abonos e cargos relativos á gestion de residuos, a análise do impacto económico de traslados de residuos e a toma de decisións para reducir o devandito impacto.
Con esta nova versión do software Zero, TEIMAS avanza na estandarización da xestión de residuos en compañías globais, axudándolles a controlar a súa produción de residuos, asegurar a rastrexabilidade, impulsar estratexias de sustentabilidade e aforrar custos de xestión.
Comentarios