Con motivo da celebración, este pasado 7 de febreiro, do Safer Internet Day ou Día do Internet Seguro, Plexus Tech quixo poñer o acento na educación e a concienciación da denominada Xeración BIT (Born in Technology), dirixida a todos aqueles menores que naceron despois do 2010.

Nun mundo no que o acceso a Internet e ás redes sociais prodúcese a idades cada vez máis temperás, desde a compañía sublíñase a necesidade de que a tecnoloxía forme parte dos módulos educativos.

As nenas e os nenos nacen agora introducidos de cheo nun mundo tecnolóxico. Por iso, resulta de vital importancia que coñezan, desde ben pequenos, tanto as vantaxes como os perigos que se presentan na rede.

Dentro deste obxectivo, a xornada internacional #SID2023, que cumpriu o seu vixésimo aniversario, pretendía un uso seguro e positivo da tecnoloxía, especialmente dirixido aos menores de idade e aos máis novos. En todo caso, tamén se trasladan consellos para as familias, responsables do acceso a Internet que teñen os colectivos máis vulnerables.

En base a esta proposta, en Plexus Tech quérese concienciar e evitar a aparición de prácticas ilícitas como o grooming. Trátase do ciberacoso sexual, dun adulto sobre un menor. Aproveitando as ferramentas dixitais e con perfís falsos, tentan gañarse a confianza dos pequenos, como paso previo á solicitude de imaxes, vídeos ou outro tipo de contidos.

Estas situacións poñen de manifesto a necesidade de achegar, desde a infancia, o emprego das ferramentas dixitais. Canto maior coñecemento se teña, seguindo un uso responsable, respectuoso e crítico, favorecerase o desenvolvemento dunha Internet mellor e máis segura.

Por tanto, tal e como rezaba o lema do pasado Safer Internet Day, "Xuntos por unha Internet mellor" (Together for a better internet), este é un reto que afecta a todos.