A Agrupación industrial Saúde de Galicia recoñeceu co Premio Comunidade CGS o papel de Plexus Tech en materia de innovación, poñendo en valor o impulso ao ecosistema innovador sanitario que a compañía desenvolve na rexión.

O premio, que recolleu José Manuel Chao Ardao, socio director de Plexus Tech, entregouse na gala dos Premios do VI Fórum “Retos Internacionais do Ecositema Saúde” RIES 2021, que o CSG celebrou o pasado 10 e 11 de novembro no Balneario de Mondariz.

Neste encontro reuníronse os principais axentes do sistema sanitario e sociosanitario para analizar e abordar os retos e oportunidades do sector, con especial atención aos proxectos de transformación dixital que acheguen solucións innovadoras, así como ás iniciativas orientadas a mellorar a calidade asistencial e de coidados e á xeración de negocio e investimento sectorial.

Algúns dos proxectos impulsados desde Plexus Tech no ámbito de saúde son CAREBOT, ISMAEL ou AVECEN.