Representantes do Goberno da Cidade de Buenos Aires, do Ministerio de Desarrollo Económico e da Subsecretaría de Inversiones da República Arxentina visitarán Santiago de Compostela o día 26 de setembro co propósito de dar a coñecer as iniciativas e proxectos vencellados ao sector das Tecnoloxías da Información e das Comunicacións (TIC) que promoven como Distrito Tecnológico de Buenos Aires.

Esta entidade reúne máis de 90 empresas de base tecnolóxica de carácter nacional e internacional.

Como integrante da delegación, o director xeral de Promoción de Inversiones del Centro de Atención al Inversor (CAI), Damián Specter, reunirase con directivos de empresas tecnolóxicas galegas, para informarlles sobre os servizos que presta a Agencia de Promoción de Inversiones de Buenos Aires, entre os que está o facilitamento de contactos entre empresas locais e inversores extranxeiros para o posible establecemento de partnerships ou joint-ventures.

Os socios co Cluster TIC están invitados a participar nesta xuntanza. Os interesados, deben comunicalo o antes posible a través do correo electrónico da administració do cluster (info@clusterticgalicia.com).