No marco da colaboración que ven mantendo coa Universidade da Coruña (UDC), o Cluster TIC Galicia participará na definición das materias que integrarán o plan de estudios do Máster en Informática que impartirá a institución académica.
Con este fin, o Clúster inicia unha consulta aos seus socios para coñecer as súas opinións e propostas de mellora sobre os módulos previstos para o máster, así como sobre os contidos asignados a cada un. As opinións deben ser remitidas á dirección de correo electrónico info@clusterticgalicia.com
Os contidos propostos sobre os que se solicita a opinións dos socios son os seguintes:
Capacidade para a integración de tecnoloxías, aplicacións, servizos e sistemas propios da enxeñaría.
Informática, con carácter xeralista, e en contextos máis amplos e multidisciplinares.
Capacidade para a planificación estratéxica, elaboración, dirección, coordinación, e xestión técnica e económica nos ámbitos da enxeñaría informática relacionados, entre outros, con: sistemas, aplicacións, servizos, redes, infraestruturas ou instalacións informáticas e centros ou factorías de desenvolvemento de software, respectando o adecuado cumprimento dos criterios de calidade e ambientais e en ámbitos de traballo multidisciplinares.
Capacidade para a dirección de proxectos de investigación, desenvolvemento e innovación, en empresas e centros tecnolóxicos, con garantía da seguridade para as persoas e bens, a calidade final dos produtos e a súa homologación.
Capacidade para modelar, deseñar, definir a arquitectura, implantar, xestionar, operar, administrar e manter aplicacións, redes, sistemas, servizos e contidos informáticos.
Capacidade de comprender e saber aplicar o funcionamento e organización de Internet, as tecnoloxías e protocolos de redes de nova xeración, os modelos de compoñentes, software intermediario e servizos.
Capacidade para asegurar, xestionar, auditar e certificar a calidade dos desenvolvementos, procesos, sistemas, servizos, aplicacións e produtos informáticos.
Capacidade para deseñar, desenvolver, xestionar e avaliar mecanismos de certificación e garantía de seguridade no tratamento e acceso á información nun sistema de procesamento local ou distribuído.
Capacidade para analizar as necesidades de información que se formulan nun ámbito e levar a cabo en todas as súas etapas o proceso de construción dun sistema de información.
Capacidade para deseñar e avaliar sistemas operativos e servidores, e aplicacións e sistemas baseados en computación distribuída.
Capacidade para comprender e poder aplicar coñecementos avanzados de computación de altas prestacións e métodos numéricos ou computacionais a problemas de enxeñaría.
Capacidade de deseñar e desenvolver sistemas, aplicacións e servizos informáticos en sistemas encaixados e ubicuos.
Capacidade para aplicar métodos matemáticos, estatísticos e de intelixencia artificial para modelar, deseñar e desenvolver aplicacións, servizos, sistemas intelixentes e sistemas baseados no coñecemento.
Capacidade para utilizar e desenvolver metodoloxías, métodos, técnicas, programas de uso específico, normas e estándares de computación gráfica.
Capacidade para conceptualizar, deseñar, desenvolver e avaliar a interacción persoa-ordenador de produtos, sistemas, aplicacións e servizos informáticos.
Capacidade para a creación e explotación de ámbitos virtuais, e para a creación, xestión e distribución de contidos multimedia.
Realización, presentación e defensa, unha vez obtidos todos os créditos do plan de estudos, dun exercicio orixinal realizado individualmente ante un tribunal universitario, consistente nun proxecto integral de Enxeñaría en Informática de natureza profesional no que se sinteticen as competencias adquiridas nas ensinanzas.
Comentarios