A Asemblea Xeral Ordinaria do Cluster TIC Galicia terá lugar o próximo día 25 de maio no Hotel Los Abetos, en Santiago de Compostela. Así foi aprobado na reunión do Comité Estratéxico (COES) celebrada o pasado 12 de abril.

Segundo os estatutos da entidade, a Asemblea Xeral é o órgano supremo de goberno do Cluster TIC Galicia, e está composta por todos os asociados. Correspóndelle a adopción dos acordos de maior transcendencia da vida da entidade. Os acordos da Asemblea Xeral válidamente adoptados obrigan a todos os membros da asociación.