SIGA 98, Servizos Integrales de Gestores Administrativos recibiu de TÜV Rheinland a certificación do Sistema de Xestión de Evidencias Electrónicas segundo a norma UNE 71505.

A familia de normas UNE 71505 define os requirimentos do que se denomina SGEE Sistema de xestión de Evidencias Electrónicas onde se define o sistema de xestión e controles específicos sobre as evidencias, como por exemplo, a criptografía sobre certificados dixitais, a xestión de logs, o exhaustivo control de acceso lóxico á información, ademais de elementos e procesos sobre o intercambio de información e os parámetros de traballo para o denominado computer forensis.

Para SIGA, que ten por obxecto social o de servir de apoio tecnolóxico e de xestión do coñecemento a todas as xestorías do país, a vantaxe fundamental que lle aporta esta certificación na súa nova plataforma de matriculación telemática é “a posibilidade de garantir ante terceiros, a trazabilidade e a fiabilidade da aplicación”.

O novo esquema de certificación supuxo para TÜV Rheinland a definición dun proceso de avaliación técnica e auditoría ex novo, baseándose na experiencia previa doutros esquemas acreditados.