O Clúster TIC Galicia colabora neste evento e  ofrécelle aos socios convites profesionais de empresa que lles permitirá acceder de xeito gratuíto ao programa de conferencias do evento.

As “VI Xornadas sobre Tecnoloxías e Solucións para a Automatización Industrial”, organizadas pola Escola de Enxeñaría Industrial da Universidade de Vigo,  terán lugar do 3 ao 7 de novembro no Auditorio del Centro Social AFUNDACIÓN  en Vigo.

O evento contará coas ponencias de técnicos responsables de produto de empresas multinacionais fabricantes de solucións industriais e líderes no seu sector; e de profesionais de industrias, institucións e centros tecnolóxicos con recoñecido prestixio na eurorrexión.

O Acto de Apertura, o luns 3 de novembro,  contará con tres interesantes ponencias sobre a evolución das tecnoloxías de control en Plantas de celulosa (impartida por un alto directivo de ENCE Pontevedra), o proxecto de Vehículo conectado Car Easy Apps (PSA Peugeot Citroën) e o uso das Tecnoloxías Wearables e Google Glass en aplicacións industriais (ITGLAS).

Tamén está prevista a presenza -nas zonas de control de acceso- de interesantes Demos en vivo sobre:

• Robótica cooperativa no sector médico
• Robótica móbil en infraestruturas
• Robots humanoides
• Impresión 3D profesional
• Posicionamiento en interiores

O convite está principalmente dirixido ao persoal técnico das empresas (I+D, enxeñaría, robótica, mantemento, produción, TIC…) coa finalidade de que se manteñan ao día e renoven os seus coñecementos nas disciplinas de enxeñaría e coñezan de primeira man as tecnoloxías, solucións e tendencias máis modernas no ámbito da automatización e enxeñaría de procesos industriais.

Importante: o formulario de rexistro para convidados profesionais estará operativo únicamente até o 24 de outubro.

Acceso ao Programa e a máis información