O Clúster TIC Galicia está a recoller as necesidades formativas das súas empresas socias a través deste formulario de cara ao deseño dun novo Plan Formativo, que se desenvolverá dende outubro de 2025 e xuño de 2026. Estas accións enmárcanse no convenio que a entidade asinará coa Dirección Xeral de Formación e Cualificación para o Emprego, con lixeiras modificacións respecto a convocatorias anteriores.
Entre as principais diferenzas están que os cursos só se impartirán na modalidade de aula virtual en directo e que cada formación constará dun mínimo de 10 horas e dun máximo de 80. Ademais, só poderán solicitalos persoas activas en Galicia, contratados por conta allea e adscritos a centros de traballo na comunidade; autónomos dados de alta no territorio galego ou desempregados rexistrados no Servizo Galego de Emprego.
En canto ás áreas temáticas, teñen que estar relacionadas coas áreas que se detallan a continuación:
| Tecnoloxías de intelixencia artificial | Algoritmos de intelixencia artificial; computación de alto rendemento (HPC); computación en nube e na periferia (edge computing); tecnoloxías de análise de datos; visión por computador, procesamento da linguaxe, recoñecemento de obxectos; tecnoloxías de preservación da privacidade (por exemplo, aprendizaxe federada). |
| Tecnoloxías avanzadas de conectividade, navegación e dixitalización | Comunicacións dixitais seguras e conectividade, como RAN (Rede de Acceso Radio) e Open RAN (Rede de Acceso Radio), e 5G e 6G; tecnoloxías de ciberseguridade, incluíndo cibervixilancia, sistemas de seguridade e intrusión, forense dixital; internet das cousas e realidade virtual; tecnoloxías de rexistro distribuído e identidade dixital; tecnoloxías de guiado, navegación e control, incluíndo aviónica e posicionamento mariño, e PNT baseado no espazo; conectividade segura baseada en satélite. |
| Tecnoloxías cuánticas | Computación cuántica; criptografía cuántica; comunicacións cuánticas; distribución de claves cuánticas (QKD); detección cuántica, incluíndo gravimetría cuántica; radar cuántico; simulación cuántica; imaxe cuántica; reloxos cuánticos; metroloxía; tecnoloxías cuánticas cualificadas para o espazo. |
| Robótica e sistemas autónomos | Vehículos autónomos habitados e non habitados (espazo, aire, terra, superficie e subacuáticos), incluíndo enxames; robots e sistemas de precisión controlados por robots; exoesqueletos; sistemas habilitados para IA. |
Como indicamos, as empresas socias poden indicar as súas necesidades formativas a través deste formulario, deseñado para recoller a seguinte información:
O prazo para enviar as necesidades remata o mércores 27 de agosto de 2025. Os datos aportados non son vinculantes, pero serán fundamentais para axustar ao máximo as preferencias sinaladas ás necesidades e capacidades de execución da entidade.
Acceso ao formulario: https://forms.gle/yjy4VwEP7MqjjhSd7
Se algún socio ten dúbidas sobre a presentación da información, pode contactar coa oficina técnica do Clúster TIC Galicia a través de info@clusterticgalicia.com ou no 881 939 651.
Comentarios