Novas

Igape - Igape - Actualidade

Igape, Instituto Galego de Promoción Económica

15-5-2019 A Xunta salienta a aposta pola Industria 4.0 das pemes galegas para fortalecer a súa competitividade e internacionalización

O director do Igape, Juan Cividanes, a directora da Axencia Galega de Innovación (Gain), Patricia Argerey, e o delegado territorial da Xunta en Lugo, José Manuel Balseiro, visitaron a compañía Industrial Recense onde destacaron que os investimentos 4.0 reforzan o tecido empresarial galego. Cividanes resaltou o compromiso da empresa da construción na dixitalización dos procesos produtivos. Argerey incidiu na aposta pola capacidade innovadora e os investimentos en I+D+i da compañía.

máis información
10-5-2019 A Xunta destaca o impulso da I+D+i nas pemes como clave para avanzar na súa proxección exterior

O director do Igape, Juan Cividanes, visitou hoxe en Santiago as instalacións do grupo Itelsis, onde salientou que as exportacións galegas medraron un 2,8% en febreiro respecto ao mesmo mes de 2018. Sinala a boa marcha das vendas ao exterior das empresas no sector TIC, que ascenderon un 79%.

máis información
9-5-2019 A Xunta salienta a relevancia da colaboración público-privada para impulsar a loxística galega

O director do Igape, Juan Cividanes, participou hoxe na Cidade da Cultura no acto de constitución do Clúster da Función Loxística de Galicia. Esta nova agrupación empresarial nace da cooperación entre axentes e empresas destacadas na loxística galega e a Consellería de Economía, Emprego e Industria. A organización, o abastecemento e o transporte de mercancías representa o 3,9% do PIB galego e emprega a preto de 50.000 persoas na nosa Comunidade.

máis información
8-5-2019 A Xunta anima á industria naval a seguir apostando pola innovación para ser competitiva e adaptarse ás necesidades do mercado

A directora da Axencia Galega de Innovación (Gain), Patricia Argerey, e o director do Igape, Juan Cividanes interviñeron esta mañá na presentación do Plan estratéxico de I+D+i dos medianos e pequenos estaleiros realizado pola Fundación Soermar. A directora de Gain apuntou que a Xunta seguirá apoiando este sector estratéxico da nosa economía impulsando medidas que incrementen a súa competitividade, a través do aumento da súa intensidade tecnolóxica, diversificación, especialización e innovación. O director do Igape destacou algunhas das medidas que desenvolve a Consellería de Economía, Emprego e Industria ao abeiro da Axenda 4.0, que impulsa a implantación da industria conectada e a fábrica intelixente en Galicia.

máis información
3-5-2019 Os dous primeiros Hubs de Innovación Dixital de Galicia axudarán ás pemes a avanzar na fábrica intelixente e o big data

A Xunta impulsa os proxectos liderados polo Clúster de Empresas de Automoción de Galicia (Ceaga) e o Clúster Tecnolóxico Empresarial das Ciencias da Vida (Bioga), que funcionarán como unha xanela única na que conflúen todos os recursos que os centros de coñecemento ofertan ao tecido empresarial. Este novo modelo de colaboración permitirá ás pequenas e medianas empresas acceder a novos servizos, co obxectivo de facilitar a súa competitividade a través da dixitalización. As iniciativas contan coa participación doutros clústeres, centros tecnolóxicos, grandes empresas tractoras e compañías tecnolóxicas, ademais das universidades. Estes dous polos de innovación centraranse en tecnoloxías punteiras como a internet das cousas, a intelixencia artificial, a computación avanzada, a minaría de datos, a ciberseguridade ou a computación na nube. A Consellería de Economía, Emprego e Industria, a través da Axencia Galega de Innovación (Gain), proporcionará axudas económicas de ata 200.000 euros por cada Hub para a súa constitución, así como asesoramento para a súa axeitada articulación. Contarán con infraestruturas tecnolóxicas grazas á convocatoria de espazos industriais compartidos (fab labs) na que traballa o Igape, á que se prevé destinar 16 millóns de euros a executar ata 2022.

máis información
24-4-2019 A Xunta destaca que a colaboración público-privada é a fórmula coa que Galicia pode dar reposta aos retos da Industria 4.0

O conselleiro de Economía, Emprego e Industria, Francisco Conde, asistiu hoxe na Cidade da Cultura á entrega da terceira edición dos Premios Industria 4.0. Resultaron galardoados seis proxectos, liderados por outros tantos clústeres e coa participación de medio centenar de empresas, relacionados con sectores estratéxicos de Galicia como a automoción, o naval, o aeronáutico, o alimentario, a madeira ou a pedra natural.

máis información
22-4-2019 A Xunta activa os apoios para reforzar os clústeres como impulsores da competitividade e a innovación das pemes galegas

O Diario Oficial de Galicia vén de publicar a convocatoria da liña de axudas para as agrupacións sectoriais, dotada con 2,5 millóns de euros. A iniciativa facilitará o impulso tecnolóxico e a captación de novas empresas mediante o fortalecemento dos clústeres. Desenvolverán plans de formación e actividades de fomento da dixitalización e a internacionalización do tecido produtivo.

máis información
18-4-2019 A Xunta destaca na Costa da Morte o emprendemento como motor para a creación de emprego e os servizos de calidade

O director do Igape, Juan Cividanes, visitou hoxe en Carballo a clínica Nordés, onde informou sobre os programas de apoio da Xunta aos emprendedores. Cividanes resaltou a aposta pola especialización dos servizos e a innovación da empresa, que conta co apoio dos espazos coworking e o Galicia Emprende. A Consellería de Economía, Emprego e Industria vén de publicar a última convocatoria deste programa, co que en 2019 se apoiarán 200 proxectos cun volume de investimentos que superará os 24 millóns de euros.

máis información
8-4-2019 A Xunta aposta pola aplicación da matemática no desenvolvemento da Industria 4.0 nas pemes galegas

O director do Igape, Juan Cividanes, inaugurou o 147 European Study Group with Industry (ESGI), no que matemáticos e industriais europeos avanzan na resolución dos retos da industria actual. Subliña a importancia da matemática aplicada na transformación dixital, a mellora da competitividade e a innovación das pequenas e medianas empresas. Desde hoxe e ata o 12 de abril, Santiago de Compostela acolle o foro organizado polo Itmati e a Rede Española Matemática-Industria.

máis información
5-4-2019 A Xunta reforza as axudas a novos emprendedores e autónomos para impulsar más de 200 novos proxectos empresariais

A próxima convocatoria do Galicia Emprende mobilizará máis de 24 millóns de euros para favorecer a xeración de 700 empregos a través de novas empresas e a consolidación de compañías de recente creación. A iniciativa inclúe dúas convocatorias sucesivas para facilitar a presentación e a execución dos investimentos, á que se suma unha liña específica para o rural. O orzamento destinado en 2019 ao emprendemento ao abeiro do Galicia Emprende suma 9 millóns de euros, o que supón un incremento do 28% con respecto a 2018. O pasado ano achegáronse axudas a 159 proxectos que permiten a creación e o mantemento de 387 empregos. A través das distintas iniciativas da rede de aceleradoras StartIN Galicia, o Goberno autonómico ofrece apoio integral ao emprendemento en todo o territorio.

máis información